بمناسبة عيد القيامه مينا وجيه يطرح قصيدة"فرحتنا بالقيامه"

شاركه على +Google أضفه الى Delicious شاركه على Twitter شاركه على Facebook أضفه الى StumbleUpon أضفه الى Digg

بمناسبة عيد القيامه مينا وجيه يطرح قصيدة"فرحتنا بالقيامه"

هتكلم النهارده عن حبيبي
الي في جرحي هو طبيبي
الي
اتحمل عشاني كتير
وشاف الذل والإهانه
مع اني خاطي شرير
وكمان خاين الامانه

لسا برضه بدمه فاديني
لسا بأغلي تمن شاريني
وبعد ده كله برجع اقول
هو انت ليه يارب ناسيني؟

سامحني يارب انا جاهل
مش عارف غلاوتي عندك
ده انا حتي مكنتش استاهل
انك تتألم و تفديني بدمك

بعد رحلة عذاب وألم ودموع
قام حبيبي وخلص الجموع
فرحتنا بالقيامه فرحه مش عاديه
ده الهنا قام وذالت كل الخطيه

يا حبيبي مهما اشكر فيك
مش هقدر يوم اوفيك
ده كفايه اني في ضيقي
بلاقيك فاتح ليا ايديك

كلمات: مينا وجيه
فرحتنا بالقيامه